- مبروك للأهلي، اللعيبة رجالة، والظروف كانت صعبة جدًا وكنا محتاجين الفوز ده، وحظ أوفر للزمالك
- في ناس قالت إننا مش هنشوف ماتش كويس بسبب مستوى الفريقين، لكن الماتش كان يليق بالكرة المصرية والجماهير استمتعت بيه
- مبروك لكل اللعيبة وحتى المصابين، ومستنيين رجوعهم
- بقول لجماهير الأهلي الفريق هو الأقوى في إفريقيا، وعايزين هدوء وثقة، ما تصدقوش 90% من الأخبار الكاذبة
- عندنا مصادر رسمية وأنا شخصيًا دايمًا بصرح، متجرواش ورا الأخبار الكاذبة
- موضوع إن زيزو جه المعسكر وقعد معايا ومع عماد النحاس.. ده كلام فاضي
- إحنا فريق كويس واللعيبة بتتدرب بشكل ممتاز جدًا
- عندنا ماتش بعد 3 أيام إن شاء الله نكسبه، وبعدها فترة التوقف تيجي بهدوء
- أول 10 دقايق مكنّاش كويسين، الزمالك جاله فرصتين في البداية، وبعد كده الماتش بقى سجال، بس إحنا سيطرنا تمامًا
- في الشوط التاني اللعب كان من ناحيتنا بس، والكرة ما وصلتش للشناوي تقريبًا
- دي سِمَة الفرق الكبيرة: بتتأخر وترجع تكسب. حتى مع الغيابات الأهلي فريق كبير
- من حق جماهير الأهلي تفرح.. والأهلي لما بيقع بيقوم بسرعة
- ملف المدير الفني مع الكابتن الخطيب ولجنة التخطيط، مفيش جديد دلوقتي
- في سير ذاتية بتتعرَض، وفي مدربين بيرفضوا أو بيختلفوا على الفلوس أو مش عايزين يشتغلوا في المنطقة العربية
- لازم نشكر عماد النحاس على اللي بيقدمه، هو يستحق التقدير والإشادة.
