- اشكر وزارة الشباب والرياضة واتحاد الكرة على الدعم لمنتخب مصر .. اشكر جميع اللاعبين على مجهودهم في البطولة
- كنا في المملكة المغربية في أصعب بطولة لكأس أمم أفريقيا في تنظيم مميز من ملاعب وكل حاجه والبطولة كان مستواها عالي
- خاصة المنتخب المصري وكان في هدف بنحضرله وادينا الحمدلله لان كان في تشاؤوم قبل البطولة أننا هنخرج بدري
- الحمدلله حققنا الفوز اول مباراتين وأول منتخب اتأهل في البطولة كلها من الجولة الثانية وفي الصدارة ويمكن تأهلنا قبل البلد المضيف نفسه
- لعبنا مباراة جنوب افريقيا واحنا ناقصين وكانت مباراة صعبة وقدرنا نكسب فيها
- واجهنا منتخب محترم في دور 16 قدام منتخب كان قريب من كأس العالم في التصفيات وكام نقطة فرقت معاهم وقدرنا نكسب ونتأهل
- قدرنا نوصل المربع الذهبي على حساب حامل اللقب وعملنا أداء كويس وبتوفيق من ربنا وجهد اتعمل علشان نظهر بشكل مميز
- خسرنا من السنغال .. يمكن أنا قولت بعيدا كمان عن قصه التنقل من أكادير إلى طنجة لكن الأزمة في فتره الراحه اليوم الزيادة اللي خده منتخب السنغال أكثر مننا .. اه اليوم ده فرق معانا واليوم يفرق كتير
- لكن في الاخر وصولنا سيمي فاينل واحنا أقل منتخب عدد محترفين ده شرف كبير جدا … ويظل اللاعب المصري حتى لو محلي عنده قدرة على الظهور والأداء كبيرة جدا
- الحمدلله انا راضي جدا على أداء المنتخب واللعيبه لان كان في فوارق كبيرة فنيا وبدنيا حتى بين اللاعبين خصوصاً لقاء السنغال
- كان في ناس شايفه أننا لعبنا بشكل خاطئ قدام السنغال وده مش حقيقي احنا لعبنا بنفس طريقه مباراة الكوت ديفوار لكن الفارق في الإرهاق البدني وان المنافس كان مريح ورغم كده محصلش تهديد لمرمى مصر غير من كرة الهدف اللي فيها شك بوجود خطأ تحكيمي
- هدفنا الجاي هو كأس العالم وعلشان منتخب مصر يظهر بشكل كويس ولازم الإعداد يكون جيد وده اللي شغالين فيه مع الدكتور أشرف والمهندس هاني أبوريدة
